ႁူင်းႁဵၼ်းပူၵ်းပွင်ၼမ်ႉၵတ်ႉၶူး (ႁွင်ႈၵၢၼ်လူင် ပၢႆးပၺ်ႇၺႃႇၶွင်ႇသီႇဢဝ်ၶိုၼ်းၸိုင်ႈတႆး) ပိုတ်ႇႁပ်ႉလုၵ်ႈႁဵၼ်း ၸိူဝ်းသူၼ်ၸႂ်ၶႂ်ႈႁဵတ်းၶူး သူၼ်ၸႂ်တႃႇတေပူၵ်းပွင်ပၢႆးပၺ်ႇၺႃႇတႆး သူၼ်ၸႂ်တႃႇတေပူၵ်းပွင်လုၵ်ႈဢွၼ်ႇတႆးႁဝ်းၵႂႃႇ ၶၢဝ်းတၢင်းၼႃႈၼၼ်ႉသင်ဝႃႈၽႂ်ၽူႈလႂ်သူၼ်ၸႂ်ၶႂ်ႈႁဵတ်းၶူး ပေႃးဝႃႈၼႆ ယူႇတီႈႁူင်းႁဵၼ်းပူၵ်းပွင်ၼမ်ႉၵတ်ႉၶူး (ႁွင်ႈၵၢၼ်လူင်ပၢႆးပၺ်ႇၺႃႇၶွင်ႇသီႇဢဝ်ၶိုၼ်းၸိုင်ႈတႆး) ၸင်ႇလႆႈပိုၼ်ၽၢဝ်ႇပိုတ်ႇႁပ်ႉၽူႈၸိူဝ်းသူၼ်ၸႂ်ႁဵၼ်းသွၼ်ၼႆယူႇ။

ပိုတ်ႇႁပ်ႉတႄႇဢဝ်မိူဝ်ႈၼႆႉ ဝၼ်းထီႉ 1 August 2024 တေႃႇထိုင် 7 September 2024 ၊ ဝၼ်းတေလႆႈမႃးထိုင်တီႈႁူင်းႁဵၼ်း 27 September 2024 ၊ ဝၼ်းပိုတ်ႇ ပၢင်သွၼ် 1 October 2024 ၊ ၶၢဝ်းတၢင်းႁိုင်ပၢင်သွၼ် ၶၢဝ်းတၢင်း(6)လိူၼ် ၊ ဢွင်ႈတီႈပၢင်သွၼ် (ႁူင်းႁဵၼ်းၸိူဝ်ႉၸၢတ်ႈၸၼ်ႉသုင် ငဝ်ႈၸိုင်ႈလွႆတႆးလႅင်း) ၼႆယူႇယဝ်ႉ။

ယိူင်းဢၢၼ်းဢၼ်လႆႈပိုတ်ႇႁူင်းႁဵၼ်းပူၵ်းပွင်ၼမ်ႉၵတ်ႉၶူးမႃးၼႆႉ
(1) ၼင်ႇႁိုဝ်ၶူးသွၼ် တေမီးၼမ်ႉၵတ်ႉ လႄႈ မီးၼမ်ႉၸႂ်လွင်ႈပဵၼ်ၶူးသွၼ်သေ မေႃဢွၼ်ႁူဝ်ႁဵတ်း သၢင်ႈတူင်ႉၼိုင် ၼႂ်းၵၢၼ်ပၢႆးပၺ်ႇၺႃႇတႃႇတူင်ႇဝူင်း။
(2) ၼင်ႇႁိုဝ်တေပဵၼ်မႃးၶူးသွၼ် ဢၼ်ဝႆႉၽူႈလဵပ်ႈႁဵၼ်းပဵၼ်ယႂ်ႇသေ ပူၵ်းပွင်ပၼ်လုၵ်ႈႁဵၼ်း။
(3) ၼင်ႇႁိုဝ်တေပဵၼ်မႃးၶူးသွၼ် ဢၼ်မေႃ ၼမ်းၼႃႈၶူးသွၼ် ၽၢႆႇလွၵ်းလၢႆးသွၼ်လႄႈ ၽူႈႁူမ်ႈႁဵတ်း ၵၢၼ်ၼႂ်းၵၢၼ်သွၼ်။
(4) ၼင်ႇႁိုဝ်တေပဵၼ်မႃးၶူးသွၼ် ဢၼ်ႁၵ်ႉၵၢၼ်လဵပ်ႈႁဵၼ်းသေ လဵပ်ႈႁဵၼ်းႁူႉယူႇတႃႇသေႇ။
(5) ၼင်ႇႁိုဝ်တေပဵၼ်မႃးၶူးသွၼ် ဢၼ်လူင်ႉလႅၼ်ႇၼႂ်း ၽႃႇသႃႇၵၢၼ်သွၼ်။

ၽၢင်ႁၢင်ႈၶေႃႈမၵ်းမၼ်ႈတႃႇၶိုၼ်ႈလႆႈ
(1) ၵူၼ်းၵေႃႉဢၼ်သူၼ်ၸႂ်ႁဵတ်းၶူးသွၼ် ၼႂ်းၵႄႈဢႃႇယု 18-40။
(2) ၵူၼ်းၵေႃႉဢၼ်ပဵၼ်ၶူးသွၼ်ဝႆႉသေ ၶႂ်ႈထႅမ်ၼမ်ႉၵတ်ႉ ၽၢႆႇၶူးသွၼ်။
(3) ၵူၼ်းၵေႃႉဢၼ်မေႃတႅမ်ႈ ၊ မေႃဢၢၼ်ႇလိၵ်ႈတႆးလီလီ။
(4) ၵူၼ်းၵေႃႉဢၼ်မီးငဝ်ႈၶၢမ်ႇပိုၼ်ႉၵၢၼ်လူ ၊ တႅမ်ႈဢင်းၵိတ်ႉ။
(5) ၵူၼ်းၵေႃႉဢၼ်မီးလွင်ႈသူၼ်ၸႂ်ပႃးဝႃႇသၼႃႇပဵၼ်ၶူးသွၼ်။
(6) ၵူၼ်းၵေႃႉဢၼ်ပၢႆးယူႇလီတဵမ်ထူၼ်ႈ ၊ ဢမ်ႇမီးတၢင်းပဵၼ်ဝႆႉ။
(7) ဝၢႆးယဝ်ႉပၢင်သွၼ်တေလႆႈၸွႆႈသွၼ်လိၵ်ႈ (2) ပီ။
(တေလႆႈၶိုၼ်ႈႁဵၼ်းႁၢၼ်ႉတေႃႇပေႃးယဝ်ႉၼႂ်း (6) လိူၼ်။
Download ၾွမ်ႇတႃႇတေယိုၼ်ႈၶဝ်ႈႁဵၼ်းတီႈၼႆႈၶႃႈ – https://drive.google.com/…/1hUkMNUFKtcOhakfUcPF…/view…
ၵပ်းသိုပ်ႇလႆႈတီႈ
ၶူးၼၢင်းမူၺ်ၶိူဝ်း Tel:(TH) – 084 485 9552
ၶူးၸၢႆးဢွင်ႇၶမ်း Tel:(TH) – 080 660 2508
ၶူးၸၢႆးသၢၼ်း Tel:(MM) – 096 5087 5666
E-mail: tpc.education23@gmail.com