မိူဝ်ႈၼႆႉဝၼ်းထီႉ 8.March.2026 ယူႇတီႈႁူင်းႁဵၼ်းတင်းလတ်းလႆႈၸတ်းႁဵတ်းပၢင်ပွႆးသူင်ႇသင်ႇ လုၵ်ႈႁဵၼ်းႁူင်းႁဵၼ်းတင်းလတ်းယဝ်ႉပီႊ(3)ၸုပ်ႈ(6) ငဝ်ႈၸိုင်ႈလွႆတႆးလႅင်းၼႆယူႇ။ ၼႂ်းပၢင်ၵႅဝ်ႈဝၼ်းမိူဝ်ႈၼႆႉ ယူႇတီႈ ၵေႃႇမတီႇႁူင်းႁဵၼ်း ၸဝ်ႈႁၢၼ်ၶိူၼ်းၸႅတ်ႈ လႆႈမွၵ်ႇလၢတ်ႈၶေႃႈၵႂၢမ်းပိုတ်ႇပၢင်ၵႅဝ်ႈ ယွင်ႈယေႃႈ ဢဝ်ၵုင်ႇမုၼ်ၸွမ်းလုၵ်ႈႁဵၼ်းႁူင်းႁဵၼ်းတင်းလတ်းဢၼ်ၸိူဝ်းႁဵၼ်းယဝ်ႉၵႂႃႇ ပၼ်ႁႅင်းၸႂ် လုၵ်ႈႁဵၼ်းၶဝ်သေ ပိုတ်ႇပၢင်ၵႅဝ်ႈၵႂႃႇယူႇယဝ်ႉ။
ဝၢႆးၼၼ်ႉ ယူႇတီႈၽူႈၵွၼ်းႁူင်းႁဵၼ်းတင်းလတ်းလႆႈမွၵ်ႇလၢတ်ႈၶေႃႈၵႂၢမ်း သပ်းလႅင်းၼႄ လွင်ႈလႆႈၸတ်းႁဵတ်းပၢင်ၵႅဝ်ႈပွႆးသူင်ႇသင်ႇလုၵ်ႈႁဵၼ်း (ၵွပ်ႈသင်လႄႈ လႆႈမီးမႃးႁူင်းႁဵၼ်းတင်း လတ်း ၵွပ်ႈဝႃႈ ၶႂ်ႈပိုတ်ႇပၼ်တိုဝ်ႉတၢင်းလုၵ်ႈႁဵၼ်းၸိူဝ်းဢၼ်ဢႃႇယုယႂ်ႇယဝ်ႉသေ ဢၼ်တိုၵ်ႉ မီးၸၼ်ႉလိၵ်ႈလဵၵ်ႉယူႇၼၼ်ႉ ၼင်ႇႁိုဝ်တေဢမ်ႇပေႃးလႆႈၸႂ်ႉၶၢဝ်းယၢမ်းၼမ် သင်ၶႂ်ႈသိုပ်ႇၶိုၼ်ႈႁဵၼ်းတေႃႇတီႈႁူင်းႁဵၼ်းၸၼ်ႉသုင်ၼႆ လႄႈ ၸင်ႇလႆႈပိုတ်ႇပၼ်တိုဝ်ႉတၢင်း လုၵ်ႈႁဵၼ်းၸိူဝ်းဢႃႇယုယႂ်ႇၶဝ်သေၸင်ႇလႆႈပဵၼ်မႃးႁူင်းႁဵၼ်းတင်းလတ်းယူႇၼႂ်းဝၼ်းမိူဝ်ႈၼႆႉ။ လိူဝ်ၼၼ်ႉယူႇတီႈၽူႈၵွၼ်းႁူင်းႁဵၼ်းတင်းလတ်း လႆႈမွၵ်ႇလၢတ်ႈၶေႃႈၵႂၢမ်းၾၢၵ်ႇ တွၼ်ႈထိုင်လုၵ်ႈႁဵၼ်းၶဝ်(7) ၶေႃႈ 1. တေႁဵတ်းသင်ၵေႃႈယဝ်ႉ ႁႂ်ႈမီးၸႂ်ႁၢဝ်ႈႁႅင်း ဢၼ်ၶႂ်ႈႁူႉၶႂ်ႈႁၼ် 2. ႁဵတ်းၵၢၼ်သင်ၵေႃႈယဝ်ႉႁႂ်ႈမီးတင်းသႂ်ႇၸႂ် (ဝိရိယ) 3. ယႃႇၵူဝ်ၽိတ်း (ဢမ်ႇၸႂ်ႈဝႃႈတင်ႈၸႂ်ႁဵတ်းၽိတ်း) 4. ႁႂ်ႈမီးၵႃႈၶၼ်(ႁႂ်ႈပဵၼ်ၵူၼ်းလီမီးပၵ်းမီးပိူင်) 5. တေလႆႈမီး တူဝ်ထူပ်းၼမ်ၼမ်(လူဝ်ႇႁဵတ်းလူဝ်ႇၸမ်း) 6. တေႁဵတ်းၵၢၼ်ၼိုင်ႈဢၼ်လူဝ်ႇႁဵၼ်းဢဝ်ပၵ်း ပိူင်မၼ်းဢွၼ်တၢင်း 7. လူဝ်ႇလႆႈမီးတင်းဝူၼ်ႉ(ယႃႇၵူဝ်တွၼ်ႈတႃႇတေလႆႈဝူၼ်ႉ၊ယႃႇၵူဝ်ပၢၼ် ႁႃ)။
သိုပ်ႇၼၼ်ႉယူႇတီႈၶူးႁူင်းႁဵၼ်းၸၼ်ႉၸွမ် ၊ ၸၼ်ႉသုင် ၊ ၸၼ်ႉၵၢင် လၢႆလၢႆၵေႃႉၵေႃႈ လႆႈမွၵ်ႇ လၢတ်ႈၶေႃႈၵႂၢမ်းပၼ်ႁႅင်းၸႂ်ၼိူဝ်လုၵ်ႈႁဵၼ်းၶဝ်ၵႂႃႇသေ ယုၵ်ႉယွင်ႈပၼ်ၸုမ်းလုၵ်ႈႁဵၼ်းႁႃ ငိုၼ်းၵွင်ၵၢင် တႃႇပူၵ်းပွင်ႁူင်းႁဵၼ်းတၢင်းလတ်းၶိုၼ်း မိူၼ်ၼင်ႇ ၸုမ်းၽုၵ်ႇသွမ်ႈ လုၵ်ႈႁဵၼ်းႁူင်းႁဵၼ်းတင်း လတ်း လႄႈ ၸုမ်းႁဵတ်းၶဝ်ႈမုၼ်း(ႁဵတ်းပွၵ်ႉၸီႇ) လုၵ်ႈႁဵၼ်းႁူင်းႁဵၼ်းတင်းလတ်းၵႂႃႇယူႇယဝ်ႉ ။
လိူဝ်သေၼၼ်ႉ ဢမ်ႇၵႃး ၸိူဝ်းပဵၼ်လုၼ်ႈပီႈ ဢၼ်ယၢမ်ႈႁဵၼ်းတီႈႁူင်းႁဵၼ်းတင်းလတ်းသေ ယဝ်ႉၵႂႃႇၼၼ်ႉ ၶိုၼ်းၵႂႃႇသိုပ်ႇ ၶိုၼ်းႁဵၼ်းတီႈႁူင်း ႁဵၼ်း ၸၼ်ႉသုင်ဝႆႉၸိူဝ်းၼၼ်ႉၵေႃႈ လႆႈမႃးမွၵ်ႈလၢတ်ႈၶေႃႈၵႂၢမ်းပၼ်ႁႅင်းၸႂ်ၸိူဝ်းပဵၼ် လုၼ်ႈ ၼွင်ႉၵႂႃႇ ၼင်ႇႁိုဝ်ပေႃးတေမီးႁႅင်းၸႂ်သိုပ်ႇႁဵၼ်းၵႂႃႇထႅင်ႈတၢင်းၼႃႈ ၼႆယဝ်ႉ။
