မိူဝ်ႈဝႃးဝၼ်းထီႉ 7 September 2024 လႆႈမီးၽူႈမီးၼမ်ႉၸႂ် ၸဝ်ႈတႃႇၼ ဝဵင်းတႃႈၶီႈလဵၵ်း လႄႈ ပဵင်းလူင် လႆႈႁူမ်ႈ ၵၼ်သေ မႃးၸွႆႈထႅမ် ၶွင်ၵိၼ်ယႅမ်ႉ လႄႈ ၶူဝ်းၶွင်ၸႂ်ႉတိုဝ်း ၽႃႇႁူမ်ႇၶူဝ်းၼွၼ်း တွၼ်ႈတႃႇ လုၵ်ႈႁဵၼ်းႁူင်းႁဵၼ်းၸိူဝ်ႉၸၢတ်ႈ ငဝ်ႈၸိုင်ႈလွႆတႆးလႅင်းယူႇယဝ်ႉ။
ၶူဝ်းၶွင်ဢၼ်လႆႈၸွႆႈထႅမ်မႃး တေမီးမိူၼ်ၼင်ႇ ၽႃႈသိူဝ်ႇ၊ၽႃႇႁူမ်ႇ၊မွၼ်ႁူဝ်၊မႆႉသီၶဵဝ်ႈ၊ယႃႈသီၶဵဝ်ႈ၊ ယႃသၢႆႇႁူဝ်၊ သပ်ႉပျႃႇၽွင် လႄႈ ပႃၼဝ်ႈ ၸႃႉၵႂႃႇၸိူဝ်းၼႆႉ ယူႇယဝ်ႉ။
ယူႇတီႈႁွင်ႈၵၢၼ်လူင်ပၢႆးပၺ်ႇၺႃႇၶွင်ႇသီႇဢဝ်ၶိုၼ်းတႆး ငိၼ်းၸူမ်း ဢဝ်ၵုင်ႇမုၼ်ထိုင် ၸဝ်ႈတႃႇၼ ႁဝ်းၵူႈၵေႃႉ ၸိူဝ်းမီးၼမ်ႉၸႂ်မဵတ်ႉတႃႇ ၸေႇတၼႃႇ ၽိူၵ်ႇၸိုၼ်ႈၶၢဝ်သႂ်သေမႃးၸွႆႈထႅမ်ၼိူဝ် လုၵ်ႈႁဵၼ်းႁူင်းႁဵၼ်းၸိူဝ်ႉၸၢတ်ႈ ငဝ်ႈၸိုင်ႈလွႆတႆးလႅင်းႁဝ်းၶႃႈယႂ်ႇၼမ်ႉယူႇဢေႃႈ။ ယွၼ်းသူးပၼ် ႁႂ်ႈၸဝ်ႈတႃႇၼ ႁဝ်းၶဝ် ယူႇလီၵိၼ်ဝၢၼ် လွတ်ႈၵၢင်းၽေးၶဵၼ် ပၢႆးယူႇလီၵႅၼ်ႇၶႅင် တဵမ်ထူၼ်ႈသေၵမ်းၶႃႈ။
ပူၼ်ႉမႃးမိူဝ်ႈဝၼ်းထီႉ 24.August.2024 ၼၼ်ႉၵေႃႈ ၽူႈၸတ်းၵၢၼ်ႁွင်ႈၵၢၼ်လူင်ပၢႆးပၺ်ႇၺႃႇၶွင်ႇသီႇဢဝ် ၶိုၼ်းတႆးလႄႈၸုမ်းပွင်ၵၢၼ်ပၢႆးပၺ်ႇၺႃႇ တၢင်းၽူႈႁၢပ်ႇၵၢၼ်ၼႂ်းပၢႆးပၺ်ႇၺႃႇၶွင်ႇသီႇဢဝ်ၶိုၼ်းၸိုင်ႈတႆး လႆႈလူင်းၵမ်ႉၸွႆႈ ၶိူင်ႈၵမ်ႉ ၵႅမ်ၶွင်ၵိၼ်ယႅမ်ႉတီႈပီႈၼွင်ႉပၢႆးၽေး ဢၼ်မႃးမီးဝႆႉယူႇတီႈၵွင်းမုင်ႈမိူင်း လႄႈ လူင်းသူႇၸႂ်းပႃးလုၵ်ႈႁဵၼ်း ၵွင်းမုင်ႈမိူင်းၼႆယူႇယဝ်ႉ။ ၶိူင်ႈၵမ်ႉၵႅမ်ၶွင်ၵိၼ်ယႅမ်ႉဢၼ်လႆႈၸွႆႈထႅမ်ၵူၼ်းပၢႆႈၽေးၶဝ်ၵေႃႈ တေမီးမိူၼ် ၼင်ႇ ၵိူဝ်၊ ၽွင်ဝၢၼ် ၊ ၼမ်ႉမၼ်း ၊ မေႃႈ ၊ ဝၢၼ်ႇ ၊ ၸေႃႉ၊ ဝၢၼ်ႇ ၊ ၽွင်လူတ်ႉတီး ၊ၸေႃႉႁုင်ၽၵ်း ၊ ၶူဝ်းဝွၼ်း တွၼ်ႈတႃႇလုၵ်ႈဢွၼ်ႇႁဵၼ်းဢၼ်ပၢႆႈၽေးသေမႃးယူႇဝႆႉတီႈႁူင်းႁဵၼ်းၵွင်းမုင်ႈမိူင်းၸိူဝ်းၼႆႉၼႆယူႇယဝ်ႉ။
