ဢိင်ၼိူဝ်လုၵ်ႈႁဵၼ်း ႁူင်းႁဵၼ်းၸိူဝ်ႉၸၢတ်ႈႁဝ်းၶႃႈ ပဵၼ်ဢဵၼ်ႁႅင်းဢၼ်လမ်ႇလွင်ႈဢၼ်ၼိုင်ႈ တႃႇတေသိုပ်ႇပူၵ်းပွင် ၸိူဝ်ႉၶိူဝ်း ဝၢၼ်ႈမိူင်းမိူဝ်းၼႃႈၼႆၼၼ်ႉသေ ၸင်ႇမီးၽူႈဢၼ်ဝူၼ်ႉႁၼ် လႄႈ ၶတ်းၸႂ်ၸွႆႈထႅမ်မႃးယူႇယဝ်ႉ
မိူဝ်ႈဝၼ်းထီႉ 24.6.2024 ၼၼ်ႉမုၵ်ႉၸုမ်းၸၢဝ်းၶိူဝ်းတႆးမိူင်းၵွၵ်ႇ ၸွႆႈထႅမ်မႃး သိူဝ်ႈၶူဝ်း တႃႇ 20 ထူင်လႄႈ မိူဝ်ႈဝၼ်းထီႉ 2.1.2025 ၼၼ်ႉ ၸဝ်ႈတႃႇၼ ပႃႈၼူၼ်းၶွင်ႇ လၢႆးၶႃႈ လႆႈၸွႆႈထႅမ်တၢင်းၵိၼ်ယႅမ်ႉ (ၽၵ်းၵၢတ်ႇသူမ်ႈ) မႃးပၼ်တီႈလုၵ်ႈႁဵၼ်း ႁူင်းႁဵၼ်းၸိူဝ်ႉၸၢတ်ႈငဝ်ႈၸိုင်ႈလွႆတႆးလႅင်း ယူႇယဝ်ႉ
ယူႇတီႈ ႁွင်ႈၵၢၼ်လူင်ပၢႆးပၺ်ႇၺႃႇႁဝ်းၶႃႈ ငိၼ်းၸူမ်းယုၵ်ႉယွင်ႈဢဝ်ၵုင်ႇမုၼ် တီႈၸဝ်ႈတႃႇၼ ၽူႈမီးၼမ်ႉၸႂ်ႁဝ်းၶႃႈၵူႈၵေႃႉ ႁႂ်ႈၶိုၼ်ႈယႂ်ႇၵတ်းယဵၼ် ပၢႆးယူႇလီတဵမ်ထူၼ်ႈသေၵမ်းၶႃႈ။
ပၢႆးပၺ်ႇၺႃႇတႆး
