1. ႁူႉၸၵ်းၶူင်းၵၢၼ်တူင်ႉၼိုင် “ႁူင်းႁဵၼ်းၶၢႆႉတီႈ” (Mobile School) ဢမ်ႇၸၢင်ႈၶိုၼ်ႈႁဵၼ်း ၵူၺ်းၵႃႈႁႂ်ႈႁူင်းႁဵၼ်းမႃးႁႃၸဝ်ႈၵဝ်ႇ။

2. ၶူင်းၵၢၼ်တူင်ႉၼိုင် ဢၼ်တေဢဝ် “ၵၢၼ်ႁဵၼ်း” လႄႈ “ၼမ်ႉၵတ်ႉပၢႆးပၺ်ႇၺႃႇ” ၸိူဝ်းၼႆႉ ယိုၼ်ႈႁွတ်ႈထိုင် လုၵ်ႈဢွၼ်ႇလႄႈ ၵူၼ်းၼုမ်ႇ ၸိူဝ်းလႆႈတတ်းၶၢတ်ႇ ၵၢၼ်ပၢႆးပၺ်ႇၺႃႇၼႂ်းၸိုင်ႈမိူင်းပတ်းပိုၼ်ႉ။

ၵွင်တိုၼ်းၵၢင်လွင်ႈၽဵင်ႇပဵင်းပၢႆးပၺ်ႇၺႃႇ(ၸိုင်ႈထႆး) ပိုတ်ႇၽုၺ်ႇၶူင်းၵၢၼ် “ႁူင်းႁဵၼ်း (Mobile School)ဢမ်ႇၸၢင်ႈၶိုၼ်ႈႁဵၼ်း ႁႂ်ႈႁူင်းႁဵၼ်းၵႂႃႇၸူးသူ” လူၺ်ႈပဵၼ်ပွၵ်ႈဢွၼ်တၢင်းသုတ်း။ ယွၼ်ႉပိူဝ်ႈ လွင်ႈတၢင်းလၢႆလၢႆလွင်ႈ လွင်ႈလူဝ်ႇ လႄႈ ပၼ်ႁႃ ႁဵတ်းႁႂ်ႈလုၵ်ႈဢွၼ်ႇ လႄႈ ၵူၼ်းၼုမ်ႇ ၼပ်ႉႁူဝ်လၢၼ်ႉ လႆႈလုတ်ႈႁၢမ်း ပၢႆးပၺ်ႇၺႃႇ။

လွၵ်းလၢႆးၵႄႈလိတ်ႈပၼ်ႁႃၼႆႉ ဢၼ်လမ်ႇလွင်ႈဢၼ်ၼိုင်ႈတႄႉ ပဵၼ် ပၢႆးပၺ်ႇၺႃႇ ဢၼ်လႅၵ်ႈလၢႆႈလႆႈၸွမ်းငဝ်းလၢႆး

တုမ်ႉတွပ်ႇပၼ်လွင်ႈလူဝ်ႇၸၢတ်ႈပၢၼ်သေ ၵွင်တိုၼ်းၵၢင်လွင်ႈၽဵင်ႇပဵင်းပၢႆးပၺ်ႇၺႃႇ လႆႈတႄႇတင်ႈ ႁူင်းႁဵၼ်း Mobile School လုၵ်ႈႁဵၼ်း ဢမ်ႇၸၢင်ႈၶိုၼ်ႈႁဵၼ်း ႁႂ်ႈႁူင်းႁဵၼ်းႁႃၸဝ်ႈၵဝ်ႇ။

ပၢႆးပၺ်ႇၺႃႇ ဢၼ်လႅၵ်ႈလၢႆႈလႆႈၼၼ်ႉ ထုၵ်ႇမႅၼ်ႈၸွမ်း လွင်ႈလူဝ်ႇၸၢတ်ႈပၢၼ် ၶူင်းၵၢၼ်ဢၼ်တူင်ႉၼိုင် ဢၼ်တေႇဢဝ် “ၵၢၼ်ႁဵၼ်း” လႄႈ “ၼမ်ႉၵတ်ႉပၢႆးပၺ်ၺႃႇ” ၸိူဝ်းၼႆႉ ယိုၼ်ႈႁွတ်ႈထိုင် လုၵ်ႈဢွၼ်ႇလႄႈ ၵူၼ်းၼုမ်ႇ ၸိူဝ်းလႆႈလုတ်ႈႁၢမ်းၵၢၼ်ပၢႆးပၺ်ႇၺႃႇ ၼႂ်းပိုၼ်ႉတီႈ လႄႈၼႂ်းၸိုင်ႈမိူင်း ပတ်းပိုၼ်ႉလူၺ်ႈလွင်ႈႁူမ်ႈမိုဝ်း လုမ်းၶွမ်ႊမသျိၼ်ႊပၢႆးပၺ်ႇၺႃႇပိုၼ်ႉထၢၼ် လႄႈ ၼႅင်ႈသၢၼ် Network သုၼ်ၵၢင် ၸိူဝ်းၼႆႉ။ ၵၢၼ်ႁဵၼ်း ဢၼ်ၸုမ်းတူင်ႇဝူင်းၵူၼ်းၶဝ် ႁဵတ်းၸွမ်းၼင်ႇ ပၵ်းပိူင်ပၢႆးပၺ်ႇၺႃႇၸိူဝ်ႉၸၢတ်ႈ မတ်ႉတႃ12 ပီ1999 ။

ၽွင်းမိူဝ်ႈ လုၵ်ႈဢွၼ်ႇလႄႈ ၵူၼ်းၼုမ်ႇ မီးလွင်ႈပႅၵ်ႇပိူင်ႈၵၼ် ဢမ်ႇမိူၼ်ၵၼ် ဢၼ်ၵဵဝ်ႇလူၺ်ႈလွင်ႈ ပၼ်ႁႃလႄႈ လွင်ႈယူပ်ႈယွမ်းၶွပ်ႇလႅၼ်ၼႂ်းၸၢတ်ႈပၢၼ် လွင်ႈႁၢင်ႈႁႅၼ်းတႃႇလဵပ်ႈႁဵၼ်း၊ ၼမ်ႉၵတ်ႉ၊ လွင်ႈသူၼ်ၸႂ်၊ သိင်ႇဝႅတ်ႉလွမ်ႉ လွင်ႈယူႇသဝ်း၊ ၼႃႈႁိူၼ်း ဢမ်ႇၼၼ် တူင်ႇဝူင်းၵူၼ်း၊ လွင်ႈၸတ်းၵၢၼ်ပၢႆးပၺ်ႇၺႃႇ ၸိူဝ်းၼႆႉ ၵွပ်ႈၼၼ် တုမ်ႉတွပ်ႇ

ပၼ် လွင်ႈပႅၵ်ႇပိူင်ႈလၢႆၸိူဝ်ႉလၢႆလွင်ႈၶွင်လုၵ်ႈဢွၼ်ႇလႄႈ ၵူၼ်းၼုမ်ႇ ၸိူဝ်းၼၼ်ႉယူႇယဝ်ႉ။

လုၵ်ႈဢွၼ်ႇၵူၼ်းၼုမ်ႇတင်းသဵင်ႈၼႆႉ မီးၼမ်ႉၵတ်ႉတႃႇမေႃႁဵၼ်းႁူႉ၊ လႄႈ ပူၵ်းပွင်တူဝ်ၵဝ်ႇ ႁႂ်ႈတဵမ်ထူၼ်ႈ ၵႃႈၶၼ်ၵူၼ်း ပၢႆးပၺ်ၺႃၼႆႉ တၵ်းလႆႈပဵၼ်ၶေႃႈၵေႈလိတ်ႈတႃႇၸၢတ်ႈပၢၼ်၊ လႄႈဢဝ်ၸၢတ်ႈပၢၼ်လုၵ်ႈ

ဢွၼ်ႇပဵၼ်ငဝ်ႈငႃႇ မေႃဝူၼ်ႉသွၼ်ႇတုမ်ႉတွပ်ႇပၼ် ၽူႈလဵပ်ႈႁဵၼ်းလၢႆလၢႆမဵဝ်း ၸွႆႈၶူၼ်ႉႁႃတူဝ်ၸဝ်ႈၵဝ်ႇ ႁႂ်ႈပဵၼ်ၵူၼ်းႁၵ်ႉၵၢၼ်ႁဵၼ်း

ၵၢၼ်လဵပ်ႈႁဵၼ်း တေၸႅၵ်ႇပဵၼ် Online လႄႈ Onsite တေမီးၽူႈလုမ်းလႃးလုၵ်ႈဢွၼ်ႇ ၸွႆႈပဵၼ်ၵူၼ်းၼႄႉၼမ်း Learning Designer ပဵၼ်တီႈဢုပ်ႇၵုမ်ပၼ်တၢင်းႁၼ်ထိုင်လႄႈႁူမ်ႈဝၢင်းၽႅၼ်ၵၢၼ်ႁဵၼ်း ႁႂ်ႈၵိုင်ႇငၢမ်ႇၵၼ်တၢင်းၽူႈဢၼ်တေလဵပ်ႈႁဵၼ်း ဢၼ်မီးလွင်ႈၽွမ်ႉ လွင်ႈၵတ်ႉၶႅၼ်(ၵျၢင်ႇ) လွင်ႈသူၼ်ၸႂ်ဢၼ်ဢမ်ႇမိူၼ်ၵၼ်ၼၼ်ႉပဵၼ်ၵေႃႉၵေႃႉၵႂႃႇ။

ယိူင်းဢၢၼ်းႁူင်းႁဵၼ်း(Mobile School)

1. ပိူဝ်ႈတႃႇပၼ်တိုဝ်ႉတၢင်း လုၵ်ႈဢွၼ်ႇလႄႈ ၵူၼ်းၼုမ်ႇ ၸိူဝ်းလႆႈၶၢတ်ႇၵၢၼ်ပၢႆးပၺ်ႇၺႃႇလႄႈ ၼမ်ႉၵတ်ႉပၢႆးပၺ်ႇၺႃႇ တႃႇတေမီးၸၢတ်ႈပၢၼ် ဢၼ်လီလိူဝ်သေၵဝ်ႇ လွတ်ႈဢွၵ်ႇလႆႈ ၼႂ်းတူင်ႇဝူင်း ၸၢတ်ႈပၢၼ်ဢၼ်ယၢပ်ႇၽိုတ်ႇ။

2. ပိူဝ်ႈတႃႇပိုတ်ႇတိုဝ်ႉတၢင်း လႄႈ သဵၼ်ႈတၢင်းလဵပ်ႈႁဵၼ်းလၢႆလၢႆဢၼ်။ ၵွင်ႉသၢၼ် ပၢႆးပၺ်ႇၺႃႇ၊ ၸၢတ်ႈပၢၼ် လႄႈ ၼႃႈၵၢၼ် ၸွမ်းၼင်ႇ ပိူင်ၵၢၼ် ၸတ်းၵၢၼ် ပၢႆးပၺ်ႇၺႃႇ ဢၼ်လႅၵ်ႈလၢႆjလႆႈၼၼ်ႉယဝ်ႉ။ တုမ်ႉတွပ်ႇပၼ် လွင်ႈလူဝ်ႇၸၢတ်ႈပၢၼ် လုၵ်ႈဢွၼ်ႇလႄႈ ၵူၼ်းၼုမ်ႇ ဢၼ်မီး ၶၵ်ႉတွၼ်ႈၼႂ်းၵၢၼ်ၸႂ်ႉၸၢတ်ႈပၢၼ်ဢၼ်ပႅၵ်ႇပိူင်ႈၵၼ်။

3. တႃႇႁွင်ႉဢဝ်လွင်ႈႁူမ်ႈမိုဝ်းၵူႈၽၢႆႇၽၢႆႇ ၼႂ်းၵၢၼ်ၶူင်သၢင်ႈပၢႆးပၺ်ႇၺႃႇ ဢၼ်လႅၵ်ႈလၢႆႈလႆႈ။ တုမ်ႉတွပ်ႇပၼ် လွင်ႈလူဝ်ႇၸၢတ်ႈပၢၼ် လုၵ်ႈဢွၼ်ႇၵူႈၸုမ်းၸုမ်း ပႃးၸဵမ်ၶဝ်ႈႁူမ်ႈပိုၼ်ၽႄႈ ႁႂ်ႈပၢႆးပၺ်ႇၺႃႇၶဝ်ႈထိုင်လႆႈၸွတ်ႇတူဝ်ႈ။

ဢၢင်ႈဢိင် -Thairath Online