မိူဝ်ႈၼႆႉဝၼ်းထီႉ 16-June-2024 တူၵ်းမႅၼ်ႈဝၼ်းဢႃးတိတ်ႉၼႆသေ ယူႇတီႈႁွင်ႈၵၢၼ်လူင်ပႆၢးပၺ်ႇၺႃႇၶွင်ႇသီႇဢဝ်ၶိုၼ်းၸိုင်ႈတႆး လႆႈၸတ်းႁဵတ်းပၢင်လူင်းၵၢၼ်သွၼ် ႁူင်းႁဵၼ်းပူၵ်းပွင်ၼမ်ႉၵတ်းၶူးပွၵ်ႈၵမ်း (1) ၸုပ်ႈထီႉ (1) ငဝ်ႈၸိုင်ႈလွႆတႆးလႅင်းၼႆယူႇယဝ်ႉ။
ၶၢဝ်းယၢမ်း 8:45 မိၼိတ်ႉ ၽူႈယႂ်ႇၵူၼ်းလူင် လႄႈ ၶူးသွၼ် ၽူႈမႃးၶိုၼ်ႈႁွတ်ႈပၢင်ၵႅဝ်ႈၶဝ်ႈဢဝ်တီႈယူႇ ဢွင်ႈတီႈၼႂ်းႁူင်းႁေႃး ႁူင်းႁဵၼ်းၸၼ်ႉသုင် ထိုင်မႃးၶၢဝ်းယၢမ်း 9:00 မူင်းၽူႈမီးပုၼ်ႈၽွၼ်း ဢွၼ်ၼပ်ႉယမ်သွင်ပိူင်သေ ၼႂ်းပၢင်ၵႅဝ်ႈဝၼ်းမိူဝ်ႈၼႆႉ ၽူႈၼင်ႈၸိုင်ႈၵႅမ်ႁူဝ်ပဝ်ႈ (2) ၶွင်ႇသီႇဢဝ်ၶိုၼ်းၸိုင်ႈတႆး ၸွမ်ႁၢၼ်ၶိူဝ်းငိုၼ်း လႆႈမွၵ်ႇလၢတ်ႈပိုတ်ႇပၢင်ၵႅဝ်ႈ ၼႂ်းပၢင်လူင်းၵၢၼ်သွၼ် ႁူင်းႁဵၼ်းပူၵ်းပွင်ၼမ်ႉၵတ်ႉၶူးၼႆႉၵႂႃႇ (1) လွင်ႈၵၢၼ်မိူင်းလႄႈၵၢၼ်သိုၵ်း (2) လွင်ႈၵၢၼ်ဢုပ်ႉပိူင်ႇ (3)ပုၼ်ႈၽွၼ်းၶူးသွၼ် (4) ၵၢၼ်ပႆၢးပၺ်ႇၺႃႇ ဢဝ်တၢင်း 4 ႁူဝ်ၶေႃႈၼႆႉသေလႆႈပိုတ်ႇပၢင်ၵႂႃႇယူႇယဝ်ႉ။
ဝႆၢးၼၼ်ႉ ၽူႈမီးပုၼ်ႈၽွၼ်းမႃးလူဢၢၼ်ႇၼႄၽိုၼ်လိၵ်ႈၾၢၵ်ႇတွၼ်ႈ ႁူဝ်ပဝ်ႈလူင်ၶွင်ႇသီႇဢဝ်ၶိုၼ်းၸိုင်ႈတႆး ၸွမ်သိုၵ်းလူင်ယွတ်ႈသိုၵ်း ၵႂႃႇယူႇၼႆယဝ်ႉ။သိုပ်ႇသေၼၼ်ႉ ၶူးၸႆၢးဢွင်ႇၶမ်း ၶူးပူင်သွၼ်ၽႆၢႇႁူင်းႁဵၼ်းပူၵ်းပွင်ၼမ်ႉၵတ်ႉၶူး လႆႈသပ်းလႅင်းၼႄၽႃႇသႃႇၵၢၼ်သွၼ်ဢၼ်လႆႈသွၼ်ၵႂႃႇ ၼႂ်းၶၢဝ်းတၢင်း(6)လိူၼ်ၼႆႉဝႃႈလႆႈသွၼ်ၵႂႃႇႁူဝ်ၶေႃႈသင်လႆၢလႆၢ ၼႆၸိူဝ်းၼႆႉယူႇ။
ဝႆၢးသေၶူးၸႆၢးဢွင်ႇၶမ်းမႃးသပ်းလႅင်းၼႄလွင်ႈၽႃႇသႃႇၵၢၼ်သွၼ်ယဝ်ႉၼၼ်ႉ ၽူႈၵွၼ်းႁူင်းႁဵၼ်း ၽႆၢႇပူၵ်းပွင်ၼမ်ႉၵတ်ႉၶူး ၶူးၼၢင်းမူၺ်ၶိူဝ်းလႆႈမွၵ်ႇလၢတ်ႈၶေႃႈၵႂၢမ်း သူင်ႇသင်ႇလုၵ်ႈႁဵၼ်း ၶူးၽိုၵ်းသွၼ်ၶဝ်ၵႂႃႇယူႇယဝ်ႉ။
ဝႆၢးၼၼ်ႉၵႅမ်ႁူဝ်ပဝ်ႈ(2) ၸွမ်ႁၢၼ်ၶိူဝ်းငိုၼ်း လႆႈယိုၼ်ႈပၼ်ဝႂ်လုၵ်ႈႁဵၼ်းႁူင်းႁဵၼ်းပူၵ်းပွင်ၼမ်ႉၵတ်ႉၶူး လႄႈ မွၵ်ႈဢၢပ်ႈပၼ်ၶူဝ်းၶွင်ၸႂ်ႉတိုဝ်းတႃႇလုၵ်ႈႁဵၼ်းသေ ၶူးၼၢင်းမူၺ်ၶိူဝ်း လႆႈမွပ်ႈယိုၼ်ႈပၼ်ၶူဝ်းတွၼ်ႈၶူးပူင်သွၼ်ၶဝ်ၵႂႃႇ ယူႇၼႆယဝ်ႉ။
ၼႂ်းပၢင်ၵႅဝ်ႈဝၼ်းမိူဝ်ႈၼႆႉ မီးထႅင်ႈၽူႈယႂ်ႇၵူၼ်းလူင်လႆၢလႆၢၸဝ်ႈမွၵ်ႇလၢတ်ႈၶေႃႈၵႂၢမ်းပၼ်ႁႅင်းၸႂ်ၶူးၽိုၵ်းသွၼ်ႁဝ်းၵႂႃႇလႄႈ တၢင်တူဝ်လုၵ်ႈႁဵတ်းပူၵ်းပွင်ၼမ်ႉၵတ်ႉၶူးႁဝ်းၶႃႈၵေႃႈ လႆႈမွၵ်ႈလၢတ်ႈေၶႃႈၵႂၢမ်းသူင်ႇသင်ႇၵၼ်သေ ငိၼ်းၸူမ်းၶူးပူင်သွၼ်လႄႈ ၽူႈယႂ်ႇၵူၼ်းလူင်တီႈၶတ်းၸႂ်ၸွႆႈပူၵ်းပွင်ပၼ်ၵူႈၽႆၢႇၵူႈတၢင်း ၼႆယူႇယဝ်ႉ။
ဝႆၢးၼၼ်ႉၽူႈၼင်ၸိုင်ႈၵႅမ်ႁူဝ်ပဝ်ႈ(2) ၸွမ်ႁၢၼ်ၶိူဝ်းငိုၼ်းလႆႈမွၵ်ႇလၢတ်ႈၶေႃႈၵႂၢမ်းပိၵ်ႉပၢင်ၵႅဝ်သေၽူႈမီးပုၼ်ႈၽွၼ်းဢွၼ်ၼပ်ႉယမ်သၢမ်ပိူင်ယဝ်ႉ ထႆႇႁၢင်ႈႁႂ်ႈပဵၼ်တီႈမႆၢတွင်းလႄႈ ပၢင်ၵႅဝ်ႈယဝ်ႉတူဝ်ႈၵႂႃႇဝႃႈၸိူင်ႉၼင်ႇၼႆ။
