ဝၼ်းထီႉ10.11.2025 ယၢမ်းၵၢင်ၼႂ် 9 မူင်းၼၼ်ႉ ယူႇတီႈႁွင်ႈၵၢၼ်လူင်ပၢႆးပၺ်ႇၺႃႇၶွင်ႇ
သီႇဢဝ်ၶိုၼ်းၸိုင်းတႆး ဢွၼ်ႁူဝ်ၸတ်းႁဵတ်းပၢင်ပိုတ်ႇၵၢၼ်သွၼ် ႁူင်းႁဵၼ်းပူၵ်းပွင်ၼမ်ႉၵတ်ႉ
ၶူး ၸုပ်ႈထီႉ(3) ၵႂႃႇတီႈႁူင်းႁေႃး ႁူင်းႁဵၼ်းၸၼ်ႉသုင် ငဝ်ႈၸိုင်ႈလွႆတႆးလႅင်းၵႂႃႇယူႇယဝ်ႉ။
ၼႂ်းပၢင်ၵႅဝ်ႈၼၼ်ႉ ၸဝ်ႈသိုၵ်းလူင်ၶိူဝ်းလၢဝ် ၽူႈၸတ်းၵၢၼ်ႁွင်ႈၵၢၼ်လူင် ဢုပ်ႉပိူင်ႇငဝ်ႈ
ၸိုင်ႈ မွၵ်ႇလၢတ်ႈၶေႃႈၵႂၢမ်းပိုတ်ႇပၢင် ပၼ်ႁႅင်းၸႂ်လုၵ်ႈႁဵၼ်းၶဝ်ၵႂႃႇလၢႆလၢႆၶေႃႈ မိူၼ်ၼင်ႇ
- ၶူးသွၼ်တေလႆႈမီးတၢင်းယၢမ်ႈလီ
- လွင်ႈလၢတ်ႈၸႃႁႂ်ႈမီးလွင်ႈယဵၼ်ႇငႄႈ
- လွင်ႈၼုင်ႈဝႆႁႂ်ႈမီးၽၢင်ႁၢင်ႈ
သိုပ်ႇသေၼၼ်ႉ ၸဝ်ႈႁၢၼ်လၢၼ်တႆး ၽူႈၸတ်းၵၢၼ်ႁွင်ႈၵၢၼ်လူင် ပၢႆးပၺ်ႇၶွင်ႇသီႇ
ဢဝ်ၶိုၼ်းၸိုင်းတႆး မွၵ်ႇလၢတ်ႈၶေႃႈၵႂၢမ်းပၼ်ႁႅင်းၸႂ်လႄႈတိုၵ်းသူၼ်း လုၵ်ႈႁဵၼ်းၸိူဝ်း
မႃးၶိုၼ်ႈပၢင်သွၼ်ၼၼ်ႉ ႁႂ်ႈမီးလွင်ႈယိူၼ်ႉၵၼ်ႈ၊ ႁႂ်ႈမေႃႁၵ်ႉၵၼ်ၸွႆႈထႅမ်ၵၼ်၊ ယႃႇၸႅၵ်ႇၽႄၼိူဝ်ႉလိူတ်ႈၸၢဝ်းၶိူဝ်း၊ ႁႂ်ႈၶတ်းၸႂ်ႁဵၼ်းႁူႉဢဝ်ပေႃႇလသီႇမုၵ်ႉၸုမ်းလႄႈပေႃႇလသီႇပၢႆးပၺ်ႇၺႃႇၶွင်ႇသီႇဢဝ်ၶိုၼ်းၸိုင်ႈတႆး။
ထိုင်မႃးတွၼ်ႈသပ်လႅင်းၼႄ ယိူင်းဢၢၼ်းပၢင်သွၼ်လႄႈ သပ်းလႅင်းၼႄႁူဝ်ၶေႃႈၵၢၼ်သွၼ်ၼၼ်ႉ
ၶူးၸၢႆးဢွင်ႇၶမ်း ၵႅမ်ၽူႈၵွၼ်းႁူင်းႁဵၼ်းပူၵ်းပွင်ၼမ်ႉၵတ်ႉၶူး ၶူးၸၢႆးဢွင်ႇၶမ်း လႆႈမွၵ်ႇလၢတ်ႈသပ်း
လႅင်းၼႄယူႇယဝ်ႉ။
ဝၢႆးသေၼၼ်ႉ ၸုမ်းလုၵ်ႈႁဵၼ်းလႄႈ ၶူးသွၼ် ၵပ်းသိုပ်ႇတူဝ်သေယဝ်ႉ ၽူႈယႂ်ႇၵူၼ်းလူင်
ထႅင်ႈလၢႆလၢႆၸဝ်ႈၵေႃႈ မွၵ်ႇလၢတ်ႈၶေႃႈၵႂၢမ်းပၼ်တၢင်းႁူႉလႄႈ ပၼ်ႁႅင်းၸႂ်လုၵ်းႁဵၼ်းၶူးၶဝ်
ၵႂႃႇယူႇယဝ်ႉ။
ထိုင်မႃးတွၼ်ႈပိၵ်ႉပၢင်ၵႅဝ်ႈၼၼ်ႉ ၸဝ်ႈသိုၵ်းၶိူဝ်းလၢဝ် ၽူႈၸတ်းၵၢၼ်ႁွင်ႈၵၢၼ်လူင် ဢုပ်ႉပိူင်ႇငဝ်ႈၸိုင်ႈ မွၵ်ႇလၢတ်ႈၶေႃႈၵႂၢမ်းပိၵ်ႉပၢင်ၵႂႃႇဝႃႈ ယႃႇပေယွမ်းၵၢၼ်ႉ ၽွင်းမိူဝ်ႈလူင်းႁဵတ်းၵၢၼ်ၼၼ်ႉ လူဝ်ႇလႆႈမေႃၶဝ်ႈဢွၵ်ႇၵပ်းသိုပ်ႇပိူၼ်ႈ၊ ၶတ်းၸႂ်ယႃႇပေယွမ်းၵၢၼ်ႉၼႆယဝ်ႉ။ ဝၢႆးသေၼၼ်ႉၵေႃႈ ၽူႈယႂ်ႇၵူၼ်းလူင်လႄႈလုၵ်ႈႁဵၼ်းၶူးၶဝ် ဢွၼ်ၵၼ်ထႆႇၶႅပ်းႁၢင်ႈႁူမ်ႈ
ၵၼ် ပဵၼ်တီႈမၢႆတွင်းပေ ပိုၼ်ၽၢဝ်ႇပၢင်ၵႅဝ်ႈယဝ်ႉတူဝ်ႈ။
