မိူဝ်ႈ ဝၼ်းထီႉ 26 April 2026 တူၵ်းမႅၼ်ႈဝၼ်းဢႃးတိတ်ႉ ယူႇတီႈႁွင်ႈၵၢၼ်လူင်ပၢႆးပၺ်ႇၺႃႇၶွင်ႇသီႇဢဝ်ၶိုၼ်းၸိုင်ႈတႆး လႆႈၸတ်းႁဵတ်းပၢင်လူင်းၵၢၼ်သွၼ် ႁူင်းႁဵၼ်းပူၵ်းပွင်ၼမ်ႉၵတ်ႉၶူးၸုပ်ႈ(3) ဢွင်ႈတီႈႁူင်းႁေႃးႁူင်းႁဵၼ်းၸၼ်ႉသုင်ငဝ်ႈၸိုင်ႈလွႆတႆး လႅင်းၵႂႃႇယူႇယဝ်ႉ။

ထိုင်မႃးယၢမ်း 9:00 မူင်းၽူႈယႂ်ႇၵူၼ်းလူင် ၶူးသွၼ်၊ လုၵ်ႈႁဵၼ်း ၊ ၽူႈမီးပုၼ်ႈၽွၼ်းၶဝ်ႈဢဝ်တီႈယူႇ သေ တႄႇပိုတ်ႇပၢင်ၵႅဝ်ႈၵႂႃႇယူႇ။ ၼႂ်းပၢင်ၵႅဝ်ႈၼႆႉ ၸဝ်ႈႁၢၼ်တေႇဝိင်ႇ ပဵၼ်ၽူႈၼင်ႈၸိုင်ႈ လႆႈမွၵ်ႇလၢတ်ႈၶေႃႈၵႂၢမ်းပၼ်ႁႅင်းၸႂ်ဢဝ်ၵုင်ႇမုၼ်ၼိူဝ်ၶူးသွၼ်လုၵ်ႈႁဵၼ်းၶဝ်သေ ပိုတ်ႇပၢင်ၵႅဝ်ႈၵႂႃႇ ။

ဝၢႆးသေၸဝ်ႈႁၢၼ်တေႇဝိင်ႇပိုတ်ႇပၢင်ၵႅဝ်ႈၵႂႃႇယဝ်ႉ လုၵ်ႈႁဵၼ်းၶဝ်လႆႈသပ်းလႅင်း တၢင်ႇလၢတ်ႈၼႄ ၽႃႇသႃႇၵၢၼ်သွၼ် ဢၼ်လႆႈႁဵၼ်းႁူႉမႃးၼႂ်းၶၢဝ်းတၢင်း(6) လိူၼ်၊ ၽူႈၵွၼ်းႁူင်းႁဵၼ်းပူၵ်းပွင်ၼမ်ႉ ၵတ်ႉၶူးမွၵ်ႇလၢတ်ႈၶေႃႈၵႂၢမ်းသူင်ႇသင်ႇလုၵ်ႈႁဵၼ်းၸုပ်ႈ(3) ၊မီးၵၢၼ်ယိုၼ်ႈမွပ်ႈပၼ်ဝႂ်ႁူမ်ၸူမ်းလုၵ်ႈႁဵၼ်း၊ လုၵ်ႈႁဵၼ်းလႆႈလူဢၢၼ်ႇၼႄဝွၵ်း မိူၼ်ၼင်ႇ ႁူဝ်ၶေႃႈဝွၵ်း

1. တိုဝ်ႉတၢင်းလီ

2. တၢင်းႁူႉဢၼ်မီးၵႃႈၶၼ်

3.ၽဝၶူးသွၼ်

4. ၸုမ်းႁဝ်းၶတ်းၸႂ်ယူႇ ၸိူဝ်းၼႆႉယူႇ။

လိူဝ်ၼၼ်ႉဢမ်ႇၵႃး လုၵ်ႈႁဵၼ်းၶဝ်လႆႈမႃးလဝ်ႇမူၼ်ႈတူၼ်ႈၸႂ်ႁွင်ႉၵႂၢမ်းလႄႈ ၸုမ်းတၢင်းၵႃႈလုၵ်ႈ ႁဵၼ်းၶဝ် မႃးၵႃႈမူၼ်ႈၸႂ်ၼႄၵႂႃႇ။

ၼႂ်းပၢင်ၵႅဝ်ႈၼႆႉမီးၽူႈယႂ်ႇၵူၼ်းလူင်လၢႆလၢႆၸဝ်ႈလႆႈမွၵ်ႇလၢတ်ႈၶေႃႈၵႂၢမ်းပၼ်ႁႅင်းၸႂ်ၼိူဝ်လုၵ်ႈႁဵၼ်း ႁူင်းႁဵၼ်းပူၵ်းပွင်ၼမ်ႉၵတ်ႉၶူးၸုပ်ႈ(3) ဢၼ်တေမိူဝ်းႁၢပ်ႇၵၢၼ်ႁဵတ်းတူဝ်ထူပ်းတူင်ႉၼိုင်ႈ ပူၵ်းပွင်ပၼ်ၶိုၼ်းၼိူဝ်လုၵ်ႈႁဵၼ်းၸွမ်းပိုၼ်ႉတီႈၵႂႃႇယူႇယဝ်ႉ။

ပၢႆးပၺ်ႇၺႃႇတႆး